கிளிநொச்சி - கரடிப்போக்குச் சந்திக்கு அருகில் உள்ள ஏ-9 வீதியில் பேருந்து சிறியரக வாகனத்துடன் மோதி விபத்து

கிளிநொச்சி - கரடிப்போக்குச் சந்திக்கு அருகில் உள்ள ஏ-9 வீதியில் இ.போ.ச. பேருந்து ஒன்று சிறியரக வாகனத்துடன் மோதி விபத்துக்குள்ளாகியுள்ளது.

இந்த விபத்து சம்பவம் இன்று மாலை 4.00 மணியளவில் இடம்பெற்றுள்ளது.

ஏ-9 வீதியில் யாழ்ப்பாணம் நோக்கிப் பயணித்த இலங்கை போக்குவரத்து சபைக்குச் சொந்தமான பேருந்து கிளிநொச்சி கரடிப்போக்குச் சந்திக்கு அண்மையில் உள்ள பயணிகளை ஏற்றிவிட்டு,

வீதியின் நடுப் பகுதி நோக்கிச் சென்ற வேளை கிளிநொச்சியிலிருந்து பரந்தன் நோக்கி அதே திசையில் பயணித்த கிளிநொச்சி மாவட்ட செயலக உத்தியோகத்தர்களை ஏற்றிச் செல்லும் சிறிய ரக வாகனத்துடன் மோதி விபத்துக்குள்ளாகியுள்ளது.

இவ்விபத்தில் கிளிநொச்சி மாவட்டச் செயலக உத்தியோகத்தர்கள் பயணித்த வாகனம் கடுமையாகச் சேதமடைந்ததுடன், அதில் பயணித்தவர்கள் காயங்கள் ஏதுமின்றித் தப்பித்துக்கொண்டதாக கூறப்பட்டுள்ளது.

இதேவேளை, இவ்விபத்துத் தொடர்பில் கிளிநொச்சிப் பொலிஸார் சம்பவ இடத்திற்கு விரைந்து விசாரணைகளில் ஈடுபட்டுள்ளார்கள்.