ஸ்பைடர் மேன்னுக்கு உருவம் கொடுத்தவர் 90-வது வயதில் மரணம்

ஸ்பைடர்- மேன் சித்திரத்தை ஸ்டான் லீ உடன் இணைந்து உருவாக்கிய ஸ்டீவ் டிட்கோ, தனது 90வது வயதில் மரணமடைந்தார்.

அமெரிக்காவின் மன்ஹாட்டனில் உள்ள அவரது வீட்டில், அசைவற்று இருந்த ஸ்டீவ் டிட்கோ இறந்ததாக அறிவிக்கப்பட்டுள்ளது.

எழுத்தாளர் நீல் கெய்மன் உட்பட, ஸ்டீவ் டிட்கோவின் ரசிகர்கள் அவருக்கு அஞ்சலி செலுத்தினர். 1960களில் தனது காமிக்ஸ் வரையும் தொழிலை ஆரம்பித்த ஸ்டீவ் டிட்கோ, தொடக்கத்தில் மார்வெல் காமிக்ஸ் நிறுவனத்தில் பணியாற்றினார்.

மார்வெல் காமிக்ஸின் ஆசிரியர் ஸ்டான் லீ, பதின்ம வயது சிறுவர்களை ஈர்க்கும் சிலந்திகளின் சக்திகளைக் கொண்ட சூப்பர் ஹீரோ என்ற ஐடியாவை கூறினார்.

இந்நிலையில், நீலம் சிவப்பு ஆடையுடன், கையில் சிலந்தி ஷூட்டருடனும் ஸ்பைடர்- மேன்னுக்கு உருவம் கொடுத்தார் ஸ்டீவ் டிட்கோ.