அண்ணாத்த படம் நவம்பரில் ரிலீஸ்!! -மகிழ்ச்சியில் ரஜினி ரசிகர்கள்-

சிவா இயக்கத்தில் சூப்பஸ்டார் ரஜினி நடிப்பில் உருவாகிவரும் அண்ணாத்த படத்தின் வெளியீட்டு திகதியை படக்குழுவினர் அறிவித்துள்ளனர்.

சிவா - ரஜினி கூட்டணியில் உருவாகி வரும் படம் அண்ணாத்த. கடந்த மார்ச் மாதம் வரை இப்படத்தின் 60 சதவீத படப்பிடிப்பு நிறைவடைந்திருந்தது. இதையடுத்து கொரோனா பரவலால் கடந்த 9 மாதங்களாக படப்பிடிப்பு நடத்தப்படாமல் இருந்தது. இதனிடையே கடந்த டிசம்பர் 14 ஆம் திகதி அண்ணாத்த படப்பிடிப்பு மீண்டும் ஐதராபாத்தில் ஆரம்பமானது.

கொரோனா தடுப்பு நடவடிக்கைகள் முறையாக பின்பற்றப்பட்டு படப்பிடிப்பு நடந்து வந்த நிலையில், படத்தில் பணியாற்றிய சிலருக்கு கொரோனா இருப்பது கண்டறியப்பட்டதால் படப்பிடிப்பை தற்காலிகமாக ரத்து செய்தனர். 

இந்நிலையில் எதிர்வரும் பிப்ரவரி மாதம் படப்பிடிப்பை மீண்டும் ஆரம்பிக்க திட்டமிட்டுள்ள நிலையில், அண்ணாத்த படத்தை நவம்பர் 4 ஆம் திகிதி  தீபாவளியை முன்னிட்டு வெளியிட இருப்பதாக படக்குழுவினர் அறிவித்துள்ளனர்.