ரணில் விக்கிரமசிங்கவின் வீட்டை முற்றுகையிட்டு போராட்டம்..! பின்னணியில் இரா.சாணக்கியனா? நேற்று நாடாளுமன்றில் கூறியது இன்று காலை நடந்தது...

முன்னாள் பிரதமர் ரணில் விக்கிரம சிங்கவின் வீடு போராட்டக்காரர்களால் முற்றுகையிடப்பட்டுள்ள நிலையில் அங்கு பாதுகாப்பு பலப்படுத்தப்பட்டிருக்கின்றது. 

நாடாளுமன்றில் ஆற்றியிருந்த உரையை சவாலுக்கு உட்படுத்தும் வகையில் தனது வீட்டினை முற்றுகையிட்டு போராட்டம் நடத்த திட்டமிடப்படுவதாக 

ரணில் விக்கிரமசிங்க நேற்றய தினம் நாடாளுமன்றில் சுட்டிக்காட்டியிருந்ததுடன், இந்த போராட்ட முஸ்தீபின் பின்னால் இரா.சாணக்கியனும் உள்ளார் என கூறினார். 

இந்நிலையில் இன்று காலை 9 மணியளவில் முன்னாள் பிரதமர் ரணில் விக்கிரமசிங்கவின் கொழும்பு வீடு முற்றுகையிடப்பட்டுள்ளது. 

எனினும் நேற்றய தினமே ரணில் விக்கிரம சிங்கவுக்கான பாதுகாப்பு ஒழுங்குகள் செய்யப்படும் என நாடாளுமன்றில் தினேஷ் குணவர்த்தன கூறியிருந்தார். 

அதற்கமைய பாதுகாப்பு உச்சபட்சமாக வழங்கப்பட்டிருக்கின்றது.