யாழில் ஆவா குழுவைச் சேர்ந்த ஐவர் வாள்களுடன் கைது!
சுன்னாகம் பொலிஸார் நேற்று இரவு மேற்கொண்ட சுற்றிவளைப்பின் போது, ஆவா குழுவைச் சேர்ந்த 5 பேர் வாள்களுடன் கைது செய்யப்பட்டனர். யாழ்ப்பாணம், கைதடி, நுணாவில், வவுனியா பகுதியைச் சேர்ந்த 5 இளைஞர்களே கைது செய்யப்பட்டுள்ளனர்.
கைது செய்யப்பட்ட நபர்களிடம் இருந்நு 4 வாள்கள் கைப்பற்றப்பட்டுள்ளன.சுன்னாகம் பகுதியில் வாள் வெட்டை மேற்கொள்வதற்கு எத்தனித்த போதே, குறித்த நபர்கள் கைது செய்யப்பட்டனர்.
கைதுசெய்யப்பட்டவர்கள் வாள்வெட்டுச் சம்பவங்களுடன் தொடர்புடையவர்கள் என்றும், கைது செய்யப்பட்டவர்களை மல்லாகம் நீதிமன்றில் ஆஜர்ப்படுத்துவதற்கான நடவடிக்கையை மேற்கொண்டு வருகின்றதாகவும் பொலிஸார் மேலும் தெரிவித்தனர்.
