வயோதிப பெண்ணை தாக்கி வழிப்பறி கொள்ளையில் ஈடுபட்ட போதை அடிமையை அடித்து நொருக்கிய பொலிஸார்!

வீதியில் வைத்து நபர் ஒருவர் மீது போக்குவரத்து பொலிஸார் தாக்குதல் நடாத்தும் வீடியோ சமூக வலைத்தளங்களில் பரவி வருகின்றது. 

குறித்த சம்பவம் தொடர்பில் சில தகவல்கள் வெளியாகியுள்ளது. இதன்படி கேகாலை பிரதேசத்தில் இந்த தாக்குதல் சம்பவம் இடம்பெற்றுள்ளமை தெரியவந்துள்ளது.

தாக்குதலுக்கு உள்ளான நபர் கேகாலையில் மேலதிக வகுப்புகளுக்குச் செல்லும் மாணவர்களிடம் பணம் பறித்து வந்துள்ளதாகத் தெரிவிக்கப்படுகிறது.

இந்நிலையில், சந்தேகநபர் கேகாலை நிதஹஸ் மாவத்தையில் வயோதிப பெண் ஒருவரை தாக்கி பணம் பறிக்க முற்பட்டபோது பொலிஸாரால் 

இவ்வாறு தாக்குதலுக்கு உள்ளாகி உள்ளதாக கொழும்பு ஊடகங்கள் கூறுகின்றன. குறித்த வயோதிப பெண் தற்போது கேகாலை பொது வைத்தியசாலையில் 

சிகிச்சைப் பெற்று வருவதாகவும், குறித்த நபர் போதைப்பொருளுக்கு அடிமையானவர் என தெரிவிக்கப்படும் நிலையில், 

ஹபுதுகல பிரதேசத்தைச் சேர்ந்த சந்தேக நபர் பொலிஸாரால் கைது செய்யப்பட்டுள்ளார். கைது செய்யப்பட்ட சந்தேக நபர் இன்று (24) நீதிமன்றத்தில் ஆஜர்படுத்தப்படவுள்ளார்.