மின்னல் தாக்கியதில் இருவர் பலி!! -கைக் குழந்தை உட்பட 4 பேர் காயம்-

இந்தியாவின் ஜார்கண்ட் மாநிலத்தின் கும்லா மாவட்டத்தில் நெல் வயலில் மின்னல் தாக்கியதில் ஒரு குடும்பத்தைச் சேர்ந்த இருவர் உயிரிழந்த சோக சம்பவம் ஒன்று பதிவாகியுள்ளது. 

நேற்று ஞாயிற்றுக்கிழமை மாலை கும்லா மாவட்டத்தில் உள்ள பாசியா காவல் நிலையத்திற்கு உட்பட்ட ஜக்ஜோர் கிராமத்தில் இந்த சம்பவம் நடந்தது.

மேற்படிச் சம்பவத்தில் துர்கா சிங் (45) மற்றும் அவரது மகள் புஷ்பா குமாரி (18) ஆகியோர் பலியாகிய நிலையில் மேலும் ஒரு கைக் குழந்தை உட்பட நான்கு பேர் படு காயமடைந்த நிலையில் சிகிச்சைக்காக வைத்தியசாலையில் அனுமதிக்கப்பட்டுள்ளனர் என்று இந்திய ஊடகங்கள் செய்தி வெளியிட்டுள்ளன.