நிறைபோதையில் மோட்டார் சைக்கிள் ஓட்டிச்சென்று விபத்துக்குள்ளான நிலையில் தப்பி ஓடியவர் கைது..!

மதுபோதையில் மோட்டார் சைக்கிளை செலுத்தி விபத்துக்குள்ளான நிலையில் தப்பி ஓடிய இளைஞன் கைது செய்யப்பட்டுள்ளார்.

குறித்த சம்பவம் வவுனியா- இறம்பைகுளம் பகுதியில் இடம்பெற்றுள்ளது.

சம்பவம் தொடர்பாக தெரியவருவதாவது,

வவுனியா நகர்பகுதியில் இருந்து கோவில்குளம் நோக்கி பயணித்த இலகுரக வாகனம் ஹொறவப்பொத்தானை வீதியால் திரும்ப முற்பட்டபோது

பின்னால் வந்து கொண்டிருந்த மோட்டார் சைக்கிள் வாகனத்துடன் மோதி விபத்திற்குள்ளாகியது.

விபத்தில் மோட்டார் சைக்கிளில் பயணித்த இளைஞர் தூக்கி வீசப்பட்ட நிலையில், மோட்டார் சைக்கிளை அந்த பகுதியிலேயே விட்டுவிட்டு தலைமறைவாகியிருந்தார்.

எனினும் பொலிஸாரினால் அவர் கைது செய்யப்பட்டார். அவர் மதுபோதையில் இருந்ததாக பொலிஸார் தெரிவித்தனர்.