லண்டனிலிருந்து நாடு திரும்பிய 5 பேருக்கு கொரோனா!! -வீரியம் மிக்க வைரஸ் என்பதால் அச்சம்-

வீரியம்மிக்க புதியவகை வைரஸ் பரவிவரும் லண்டனில் அண்மையில் நாடு திரும்பிய பயணிகளில் 5 பேருக்கு கொரோனா வைரஸ் தொற்று உறுதி செய்யப்பட்டுள்ளது.

பிரித்தானியாவில் புதியவகை கொரோனா வைரஸ் பரவி வருகிறது. இதனால், அந்நாட்டுடனான விமான போக்குவரத்து சேவைக்கு இந்திய அரசு தடை விதித்துள்ளது.

இந்த நிலையில், தலைநகர் லண்டனில் இருந்து நேற்று திங்கட்கிழமை இரவு டெல்லி வந்த விமானத்தில் பயணம் செய்த பயணிகள் மற்றும் ஊழியர்கள் உட்பட 266 பேருக்கு கொரோனா வைரஸ் தொற்றுத் தொடர்பான பரிசோதனை மேற்கொள்ளப்பட்டது. அதில் பயணிகள் 5 பேருக்கு கொரோனா வைரஸ் தொற்று உறுதி செய்யப்பட்டுள்ளது.