கொரோனா பீதிக்குள் நாடு முடங்கியிருக்கும் நிலையில் போதையில் கழியாட்ட நிகழ்வு..! 2 பெண்கள் உள்ளிட்ட 18 போ் கைது..

கொரோனா அச்சம் காரணமாக நாட்டின் சகல பகுதிகளிலும் உல்லாச விடுதிகள், கழியாட்ட விடுதிகள் மூடப்பட்டிருக்கும் நிலையில், போதை கழியாட்ட நிகழ்வு ஒழுங்கவைமத்த 18 போ் கைது செய்யபட்டிருக்கின்றனா்.

இந்த சம்பவம் பேருவளை- மத்தள பகுதியில் இடம்பெற்றுள்ளது. இவ்வாறு கைதுசெய்யப்பட்ட 18 பேரில் இரு பெண்களும் உள்ளடங்குவர். கொரோனா வைரஸ் அச்சம் காரணமாக வெகுஜன கூட்டங்களை தவிர்க்குமாறு அரசாங்கம் உத்தரவிட்டுள்ளது. 

இந் நிலையிலேயே அந்த உத்தரவை மீறி செயற்பட்டமைக்காக இவர்கள் கைதுசெய்யப்பட்டுள்ளனர். இவ்வாறு கைதுசெய்யப்பட்டவர்கள் மீது மதுபானம், ஐஸ் மற்றும் கஞ்சா போன்ற போதைப்பொருட்கள் பயன்படுத்தியதாக குற்றஞ்சாட்டப்பட்டுள்ளது. 

இதேவேளை சந்தேக நபர்களை இன்றைய தினம் களுத்துறை நீதிவான் முன்னிலையில் ஆஜர்படுத்த நடவடிக்கையும் எடுக்கப்பட்டுள்ளது.