வட்டுவாகல் கடற்படைத் தளம் முன் காணாமல் ஆக்கப்பட்டவர்களின் படங்கள்!
முல்லைத்தீவு - வட்டுவாகல் பகுதியிலுள்ள கடற்படையின் “கோத்தபாய” முகாமிற்கு முன்பாக வடக்கு, கிழக்கில் காணாமல் ஆக்கப்பட்ட தமிழ் மக்களின் புகைப்படங்கள் காட்சிப்படுத்தப்பட்டுள்ளன. இந்தப் புகைப்படங்களை இன்று காலை ஒன்பது மணி முதல் மாலை ஐந்து மணி வரை காட்சிப்படுத்தப்பட்டன.
நீதி - ஏக்கம் - கண்ணீர் எனும் தொனிப்பொருளில் உத்தரிப்புகளின் அல்பம் எனும் தலைப்பின் கீழ் இந்த கண்காட்சி நடத்தப்பட்டது. இறுதி யுத்தத்தில் சரணடைந்து காணாமல் ஆக்கப்பட்ட தமிழ் மக்களின் புகைப்படங்களும், அவர்களுக்காக நீதி கோரி போராட்டம் மேற்கொண்டு வரும் காணாமலாக்கப்பட்டவர்களுடைய உறவினர்களின் புகைப்படங்களும் காட்சிப்படுத்தப்பட்டுள்ளன.
