சுமந்திரனை மன்னிப்பதே தமிழா்கள் செய்யும் ஆக பொிய வரலாற்று தவறாக அமையும். கூறுவது சீ.வி.விக்னேஸ்வரன்..
பல லட்சம் மக்களை படுகொலை செய்து, பல நுாற்றுக்கணக்கான தமிழ் பெண்களை பாலியல் பலாத்காரம் செய்த இராணுவத்தை காப்பாற்றும் வகையில் தமிழ்தேசிய கூட்டமைப்பின் நாடாளுமன்ற உறுப்பினா் எம்.ஏ.சுமந்திரன் பேசுவது வருத்தத்திற்குாியது.
மேற்கண்டவாறு கூறியுள்ள முன்னாள் முதலமைச்சா் சீ.வி.விக்னேஸ்வரன், எமது மக்கள் இதனை மன்னிக்க மாட்டார்கள். பன்னாட்டு விசாரணை எப்பொழுதோ முடிந்து விட்டது என்பதையும் எமது மக்கள் மறந்து விடமாட்டார்கள். எனவும் கூறியுள்ளாா்.
இது தொடா்பாக மேலும் அவா் கூறியுள்ளதாவது,
கூட்டமைப்பின் பேச்சாளரும், நாடாளுமன்ற உறுப்பினருமான எம்.ஏ.சுமந்திரன் இதற்குப் பதிலடி கொடுக்கும் விதத்தில், இலங்கை அரசு கூறுவதைப் போன்றே முன்னாள் முதலமைச்சர் விக்னேஸ்வரனும் கூறுகின்றார். அவர் அரசின் ஊதுகுழலாகச் செயற்படுகின்றாரா? என்று கேள்வி எழுப்பியிருந்தார்.
அரசின் வாதம் தவறு..
இலங்கையில் வெளிநாட்டு நீதிபதிகளை கொண்ட கலப்பு நீதிமன்றம் ஒன்றை சட்டரீதியாக அமைக்க முடியாது என்ற அரசின் வாதம் தவறானது என்பதை சுட்டிக்காட்டுவதற்காகவே நீதியரசர் பகவதி தலைமையில் அமைக்கப்பட்ட பன்னாட்டுச் சுயாதீன குழுவை உதாரணமாக சுட்டிக்காட்டியிருந்தேன்.
அறிக்கையின் எந்த இடத்திலும் பகவதி தலைமையிலான பன்னாட்டுச் சுயாதீன குழுவை போன்ற ஒரு குழுவை அமைக்க வேண்டும் என்று குறிப்பிடவில்லை. இலங்கையில் உள்நாட்டில் அமைக்கப்பட்ட உள்ளக ஆணைக்குழுவான உடலகம விசாரணை ஆணைக்குழுவை மேற்பார்வை செய்வதற்காக
அமைக்கப்பட்டதே பகவதி தலைமையிலான பன்னாட்டுச் சுயாதீன குழு என்றும் பன்னாட்டுத் தராதரங்கள் மற்றும் விதி முறைகளுக்கு அமைவாக இந்த உள்ளக ஆணைக்குழு செயற்படவில்லை என்று பகவதி தலைமையிலான குழு தன்னைத் தானே கலைத்தமை இலங்கையில் ஏன் பன்னாட்டு விசாரணை அவசியம்?
என்பதையும் எடுத்துக் காட்டுகின்றது என்றும் தெளிவாக எனது அறிக்கையில் குறிப்பிட்டுள்ளேன். பகவதி ஆணைக்குழுவின் உதாரணம் வெளிநாட்டு நீதிபதிகளை உள்ளடக்கிய பன்னாட்டு விசாரணை பொறிமுறையையே எடுத்துக்காட்டுகிறது.
நிலைப்பாட்டில் மாற்றமில்லை..
இலங்கையில் மேற்கொள்ளப்பட்ட போர்க்குற்றங்களை விசாரணை செய்வதற்கு பன்னாட்டு விசாரணை பொறிமுறை ஒன்றே தீர்வு என்பதில் நான் உறுதியாகவும் தெளிவாகவும் இருக்கிறேன். இதனை பல சந்தர்ப்பங்களில் வலியுறுத்தி அதற்கான பணிகளையும் ஆரம்பித்துள்ளேன்.
இலங்கையை பன்னாட்டுக் குற்றவியல் நீதிமன்றத்துக்கு கொண்டுசெல்லவேண்டும் என்று செப்ரெம்பர் 2018 இல் நான் முதலமைச்சராக இருந்தபோது வட மாகாண சபையில் தீர்மானத்தையும் நிறைவேற்றியுள்ளேன்.
இவ்வாண்டு மார்ச் மாதம் மனித உரிமைகள் சபை அமர்வுகளுக்கு முன்னதாக வடக்கு கிழக்கில் மேற்கொள்ளப்பட்ட ஆர்ப்பாட்டங்கள் மற்றும் பேரணிகளிலும் பன்னாட்டுக் குற்றவியல் நீதிமன்றத்துக்கு இலங்கையைக் கொண்டு செல்லவேண்டும் என்றே வலியுறுத்தப்பட்டன.
நானும் இந்த அனைத்து ஆர்ப்பாட்டங்களிலும் கலந்துகொண்டேன். பன்னாட்டுக் குற்றவியல் நீதிமன்றத்துக்கு இலங்கையை கொண்டுசெல்ல வேண்டும் என்று நான் எனது அறிக்கைகளிலும் திரும்பத் திரும்ப வலியுறுத்தியுள்ளேன்.
அத்துடன் ஐ.நா. மனித உரிமைகள் சபை ஆணையாளருக்கு எழுதிய கடிதத்திலும் இதனை வலியுறுத்தியுள்ளேன். திடீரென்று சூனியத்தில் மூழ்கிக் கிடந்த ஒருவர் விடுபட்டு வந்தது போல் தான் இதுகாறும் கூறியதை மறந்து எம்மைக் குற்றம் சாட்டுகிறார் ஒருவர் என்றுள்ளது.
