நாயாறு நீராவியடிப் பிள்ளையார் ஆலய வழக்கு - முல்லைத்தீவு நீதிமன்றினால் ஒத்திவைப்பு!

முல்லைத்தீவு- நாயாறு நீராவியடிப் பிள்ளையார் ஆலயத்திற்கு ஜனவரி 14 ஆந் திகதி அன்று பொங்கல் வழிபாடுகளுக்காக சென்ற பிரதேச தமிழ் மக்களுக்கும் கோவில் வளாகத்தை ஆக்கிரமித்து குடியிருக்கும் பௌத்த பிக்குவுக்கும் இடையில் முறுகல் ஏற்பட்டிருந்தது. 

குறித்த இடத்தில் ஏற்படட பிரச்சினைகள் தொடர்பில் சமாதான குலைவு ஏற்பட்டதாக பொலிஸாரால் முல்லைத்தீவு நீதிமன்றதர்தில் தாக்கல் செய்யப்பட்ட வழக்கு மார்ச் 22 ம் திகதிக்கு ஒத்திவைக்கப்பட்டுள்ளது.

இன்று காலை முல்லைத்தீவு நீதிமன்றில் நீதிபதி எஸ் லெனின்குமார் முன்னிலையில் வழக்கு எடுத்துக் கொள்ளப்பட்ட போது வழக்கு கட்டளை மார்ச் 22 ம் திகதி என அறிவிக்கப்பட்டுள்ளது என மன்றில் முன்னிலையான சட்டத்தரணி அன்ரன் புனிதநாயகம் தெரிவித்தார்.

அத்துடன் இந்த விடயத்துடன் தொடர்புபடுத்தி ஆலய தரப்பினரால் பௌத்த மதகுருவை அச்சுறுத்தியது மற்றும் தொல்பொருள் திணைக்கள பொருட்களை சேதப்படுத்தியது தொடர்பிலும் வழக்கு தொடரப்பட்டுள்ள நிலையில் அதற்கு ஆட்சேபனை தெரிவிக்கப்பட்டுள்ளது

எமது ஆலய பெயர்ப்பலகை மாற்றியபோது நாம் சென்று பொலிஸ் நிலையத்தில் முறைப்பாடு தெரிவித்தபோது பொவிஸார் இதுதொடர்பில் எந்தவித நடவடிக்கையும் எடுக்கவில்லை அதுதொடர்பிலும் மன்று ஆராய்ந்து இரண்டு வழக்குகளுக்கும் மார்ச் 22 ம் திகதிக்கு திகதியிடப்பட்டுள்ளது என மேலும் தெரிவித்தார் .