பலாலி விமான நிலைய அபிவிருத்திக்கு 1950 மில்லியன் அமைச்சரவை அங்கீகாரம், யாழ்ப்பாணத்திலிருந்து இந்தியாவுக்கு பறக்கலாம்..
யாழ்.பலாலி விமான நிலையம் 1950 மில்லியன் ரூபாய் செலவில் இலங்கை விமானப்படையின் பங்களிப்புடன் புனரமைப்பு செய்வதற்கு அமைச்சரவை அங்கீகாரம் வழங்கியிருக்கின்றது.
கடந்த ஆண்டு டிசெம்பர் மாதத்துக்குள் முதல் கட்ட அபிவிருத்திப் பணிகள் முடிவடைந்து பலா லியிலிருந்து தமிழகத்துக்கான விமான சேவைகள் ஆரம்பமாகும்.
என்று தெரிவிக்கப்பட்டிருந்தது. சிவில் விமானப் போக்குவரத்துத் திணைக்களம் அதற்கான பணிகளை முன்னெடுத்திருந்தது. ஆயினும் ஒக்டோபர் மாதம் 26 ஆம் திகதி நாட்டில்
ஏற்பட்ட அரசியல் சூழ்ச்சியை அடுத்து இந்தப் பணிகள் கிடப்பில் போடப்பட்டன. ரணில் விக்கி ரமசிங்க கடந்த டிசம்பர் மாதம் 16 ஆம் திகதி தலைமை அமைச்சராக
மீண்டும் பதவியேற்றதைத் தொடர்ந்து பலாலி விமான நிலைய அபிவிருத்திப் பணிகள் மீள ஆரம்பிக்கத் திட்டமிடப்பட்டன.
அந்தப் பணிகளை முன்னெடுப்பதற்கான அமைச்சரவைப் பத்திரம், தலைமை அமைச்சர் ரணில் விக்கிரமசிங்கவின் வடக்கு அபிவிருத்தி,
மீள்குடியேற்ற அமைச்சால் முன்வைக்கப்பட்டது. அதற்கு அமைச்சரவை அனுமதி வழங்கியுள்ளது.
