அடைமழை காரணமாக பூநகரிப் பகுதியில் பல கிராமங்கள் துண்டிப்பு!

அடைமழை காரணமாக பூநகரிப் பகுதியில் உள்ள கிராஞ்சி, வேரவில், வலைப்பாடு, பாலாவி ஆகிய கிராமங்களுக்கான வீதி நீரில் மூழ்கியுள்ளது. இதனால் போக்குவரத்து துண்டிக்கப்பட்டுள்ளதுடன், மக்களின் இயல்பு வாழ்க்கையும் முற்றாக பாதிப்படைந்துள்ளது.

மீனவர்கள் கடலுக்கு செல்ல முடியவில்லை, பல நூற்றுக்கனக்கான நெல் வயல்கள் நீரில் மூழ்கிப்போயுள்ளன.சுமார் பத்தாயிரத்திற்கு மேற்பட்ட மக்கள் வாழுகின்ற இக் கிராமங்களின் போக்குவரத்து கேள்விக் குறியாகியுள்ளது. நோயாளர்கள் மேலதிக சிகிச்சைக்காக மாவட்ட பொது வைத்தியசாலைக்கு செல்ல முடியவில்லை என வைத்தியசாலை வட்டாரங்கள் தகவல் தெரிவிக்கின்றன.

தகவல் அறிந்த கிளிநொச்சி மாவட்ட நாடாளுமன்ற உறுப்பினர் சிவஞானம் சிறீதரன் நேரடியாக சென்று பார்வையிட்டு உரிய அதிகாரிகளுக்கு ஆலோசனை வழங்கியுள்ளார்.