கனகபுரம் துயிலுமில்லத்தில் பல்லாயிரக்கணக்கானோர் மாவீரர்களுக்கு அஞ்சலி!

கிளிநொச்சி - கனகபுரம் மாவீரர் துயிலும் இல்லத்தில் இன்று மாலை நடந்த மாவீரர் நாள் நிகழ்வில் பல்லாயிரக்கணக்கான மக்கள் ஒன்றிணைந்து. மாவீரர்களுக்கு உணர்வுபூர்வாக அஞ்சலி செலுத்தினர். 

மாலை 6.05இற்கு மணி ஒலிக்க, பிரதான சுடரை மாவீரரான பிரிகேடியர் தீபனின் தந்தை ஏற்றிவைத்தார். அதன் பின்னர் ஏனைய மாவீரர்களின் உறவினர்கள் தீபம் ஏற்றி, அகவணக்கம் செலுத்தினர். தமது பிள்ளைகளை நினைவுகூர்ந்து மண்ணில் புரண்டு தாய்மார் கதறியழுதனர்.

இன்றைய மாவீரர் நாள் நிகழ்வில் 25 ஆயிரம் வரையான பொதுமக்கள் கலந்து கொண்டு மாவீரர்களுக்கு அஞ்சலி செலுத்தியிருந்தனர்.