யாழ்ப்பாணத்திலிருந்து கொழும்பு சென்ற புகைரதம் மோதி ஒருவர் பலி!

புகைரதத்தில் மோதி உயிரிழந்த நிலையில் ஆண் ஒருவருடைய சடலம் நேற்று காலை கனகராயன்குளம் பகுதியில் மீட்கப்பட்டுள்ளது. 

யாழ்ப்பாணத்திலிருந்து நேற்று காலை கொழும்பு நோக்கிச் சென்ற புகையிரதம் கனகராயன்குளம் பகுதியில் பயணித்தபோது 

புகையிரதப் பாதையில் ஆண் ஒருவருடன் மோதி விபத்துக்குள்ளானது. குறித்த விபத்து இடம்பெற்ற நிலையில் தலை, கைகள், கால்கள் துண்டிக்கப்பட்ட நிலையில் சடலம் மீட்கப்பட்டுள்ளது.

உடனடியாக புகையிரதத் திணைக்களத்தினர் மற்றும் பொலிசார் இணைந்து சடலத்தை மீட்டு கனகராயன்குளம் வைத்தியசாலைக்கு அனுப்பிவைத்தனர்.

சம்பவம் தொடர்பில் கனரகராயன்குளம் பொலிசார் விசாரணைகளை முன்னெடுத்துள்ளனர்.

குறித்த சடலம் சேட் இன்றி கறுப்பு காற்சட்டை அணிந்தவாறு காணப்படுவதுடன், கனகராயன்குளம் பகுதியைச் சேர்ந்தவர் இல்லை எனவும் 

கிராம மக்கள் தெரிவித்துள்ளனர். இதனடிப்படையில் பொலிசார் தீவிர விசாரணைகளை முன்னெடுத்துள்ளனர்.