வீட்டில் கஞ்சா இருப்பதாக கிடைத்த இரகசிய தகவல். முற்றுகையிட்டு சோதனை நடத்திய பொலிஸாருக்கு காத்திருந்த அதிர்ச்சி..!

வீட்டில் கஞ்சா மறைத்துவைக்கப்பட்டிருப்பதாக கிடைத்த இரகசிய தகவலையடுத்து வீட்டை சோதனையிட்ட பொலிஸார் வீட்டுக்குள்ளிருந்து சுமார் 401 துப்பாக்கி ரவைகளை மீட்டுள்ளனர். 

குறித்த சம்பவம் முல்லைத்தீவு - அம்பலவன் கொக்கணை பகுதியில் நேற்று இடம்பெற்றதுடன், வீட்டின் உரிமையாளரான 40 வயதான குடும்பஸ்த்தர் கைது செய்யப்பட்டுள்ளார். 

சம்பவம் தொடர்பில் மேலும் தெரியவருகையில் முல்லைத்தீவு பெருங்குற்றத்தடுப்பு பிரிவி பொலிஸாருக்கு குறித்த வீட்டில் கஞ்சா இருப்பதாக 

தகவல் கிடைக்கப்ப்பெற்றுள்ளதை தொடர்ந்து நேற்று இரவு (14.10.21) குறித்தவீட்டினை சோதனை செய்தபோது வீட்டு வளாகத்தில் 

ஒருதொக துப்பாக்க ரவைகளை மீட்டுள்ளார்கள். கடந்த சில நாட்களுக்கு முன்னர் வயல் நிலத்தினை பண்படுத்தும்போது இந்த ரவைகள் கிடைக்கப்பெற்றுள்ளதாக 

கைதுசெய்யப்பட்ட சந்தேக நபர் தெரிவித்துள்ளார். இது குறித்து பொலிஸாருக்கு தகவல் எதுவும் வழங்கப்படாத நிலை வீட்டின் உரிமையாளரை பொலிஸார் கைதுசெய்துள்ளனர்.

கைதுசெய்யப்பட்ட நபரை இன்று முல்லைத்தீவு மாவட்ட நீதவான் நீதிமன்றில் முன்னிலைப்படுத்தும் நடவடிக்கையில் ஈடுபட்டுள்ளார்கள்.