கைதுகள் தொடரும்! - சரத் வீரசேகர எச்சரிக்கை.

எதிர்க்காலத்தில் எவரேனும் போராட்டங்களை மேற்கொண்டாலும், பொலிஸார் அவர்களை கைது செய்து, நீதிமன்றில் முன்னிலைப்படுத்துவார்கள் என அமைச்சர் சரத் வீரசேகர தெரிவித்துள்ளார். இன்று நடைபெற்ற நாடாளுமன்ற விவாதத்தில் கலந்து கொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார்.

குறித்த நாடாளுமன்ற அமர்வில் அமைச்சர் சரத் வீரசேகர மேலும் கூறியுள்ளதாவது,

“தொற்சங்க நடவடிக்கைகள் மற்றும் போராட்டங்களை நடத்த நாட்டில் தற்போதைய சூழ்நிலையில் தடை செய்யப்பட்டுள்ளது. சுகாதார அதிகாரிகளாலேயே இந்தத் தடை விதிக்கப்பட்டுள்ளதே ஒழிய பொலிஸாரினால் அல்ல. கொரோனா பரவல் அச்சுறுத்தல் காரணத்தினால் தான், தனிமைப்படுத்தல் சட்டத்திற்கு இணங்க இந்த நடவடிக்கை எடுக்கப்பட்டுள்ளது.

இதில் பொலிஸார் தங்களின் கடமையையே மேற்கொண்டார்கள். எதிர்க்காலத்திலும் எவரேனும் போராட்டங்களை மேற்கொண்டால், பொலிஸார் அவர்களை கைது செய்து நீதிமன்றில் முன்னிலைப்படுத்துவார்கள். இதில் நாம் எப்போதும் சமரசங்களை செய்துக் கொள்ளப்போவதில்லை” என அவர் குறிப்பிட்டுள்ளார்.