கைலாசாவுக்கு செல்ல 3 நாள் விசா: இலவச விமான போக்குவரத்து!! -நித்தியானந்தா அதிரடி அறிவிப்பு-

கைலாசா நாட்டிற்கு வர ஆசைப்படுபவர்களுக்கு ஆஸ்திரேலியாலில் இருந்து இலவசமாக விமானத்தில் அழைத்துச் செல்ல உள்ளதாக சாமியார் நித்யானந்தா தெரிவித்துள்ளார். 

கைலாசாவுக்கென தனி வங்கி, பணம், புதிய தங்க நாணயம் என அதிரடி அறிவிப்பை நித்யானந்தா வெளியிட்டார். விரைவில் கைலாசா நாட்டிற்கான கடவுச்சீட்டு குறித்த அறிவிப்பையும் வெளியிட உள்ளதாக கூறியிருந்தார்.

இந்நிலையில், கைலாசா பயணம் தொடர்பாக நித்யானந்தா பேசுவது போன்ற ஒரு புதிய வீடியோ ஒன்று வெளியாகி உள்ளது. அதில், கைலாசா நாட்டிற்கு வருபவர்களை இலவசமாக அழைத்துச் செல்ல உள்ளதாகவும், இதற்காக 3 நாட்கள் கொண்ட இலவச விசாவிற்கு விண்ணப்பித்து, ஆஸ்திரேலியாவிற்கு வரவேண்டும் என்றும் கூறி உள்ளார்.