தவசிக்கு ஒரு இலட்சம் நிதியுதவி வழங்கிய விஜய் சேதுபதி!!

புற்றுநோயால் பாதிக்கப்பட்டு வைத்தியசாலையில் சிகிச்சை பெற்று வரும் தவசிக்கு, நடிகர் விஜய் சேதுபதி ஒரு இலட்சம் நிதியுதவி வழங்கி உள்ளார்.

புற்றுநோயால் பாதிக்கப்பட்டுள்ள நடிகர் தவசி, சிகிச்சைக்கு போதிய பணமின்றி தவித்து வருவதாகவும் தனக்கு உதவுமாறும் அவர் வேண்டுகோள் விடுக்கும் வீடியோ ஒன்று சமூக வலைதளங்களில் வெளியாகியுள்ளது. ஷ

இதையடுத்து அவருக்கு பலரும் உதவிக்கரம் நீட்டி வருகின்றனர். திமுக எம்.எல்.ஏ.வும்  வைத்தியருமான சரவணன் தவசிக்கு இலவசமாக சிகிச்சை அளித்து வருகிறார். அதேபோல் நடிகர்கள் சூரி, சிவகார்த்திகேயன் ஆகியோர் நிதியுதவி அளித்துள்ளனர்.

இந்நிலையில், நடிகர் விஜய் சேதுபதி தவசியின் மருத்துவ செலவுக்காக ஒரு இலட்சம் நிதியுதவி வழங்கி உள்ளார். வைத்தியசாலையில் சிகிச்சை பெற்று வரும் தவசியை நேரில் சந்தித்த நடிகர் சவுந்தரராஜா, நடிகர் விஜய் சேதுபதி வழங்கிய ஒரு இலட்சம் ரூபாயை வழங்கிவிட்டு, தன் சார்பாக 10 ஆயிரத்தையும் வழங்கினார்.