ஐபிஎல் போட்டியை நடத்தும் வாய்ப்பு!! -இந்திய கிரிக்கெட் வாரிய உறுப்பினர் தகவல்-

ஆசிரியர் - Editor II
ஐபிஎல் போட்டியை நடத்தும் வாய்ப்பு!! -இந்திய கிரிக்கெட் வாரிய உறுப்பினர் தகவல்-

எதிர்வரும் அக்டோபர், நவம்பரில் ஐபிஎல் போட்டியை நடத்துவதற்கான சந்தர்ப்பம் உள்ளது என்று இந்திய கிரிக்கெட் வாரிய உறுப்பினர் தெரிவித்துள்ளார்.

இந்திய கிரிக்கெட் வாரியத்தின் உயர்மட்ட கமிட்டி உறுப்பினர் அன்ஷ_மான் கெய்க்வாட் நேற்று அளித்த பேட்டியில் கூறியதாவது:-

இந்த ஆண்டு ஆஸ்திரேலியாவில் 20 ஓவர் உலக கோப்பை கிரிக்கெட் போட்டி நடக்குமா என்பது சந்தேகம் தான். உலக கோப்பை போட்டி தள்ளிவைக்கப்பட்டாலோ அல்லது ரத்து செய்யப்பட்டாலோ மட்டுமே ஐ.பி.எல். போட்டி நடக்கும். 

அதற்குரிய காலக்கட்டமான அக்டோபர், நவம்பர் மாதங்களில் ஐ.பி.எல். போட்டியை நடத்துவதற்கான வாய்ப்பு உருவாகும். அதுவும் அப்போது இந்தியாவில் எந்த மாதிரியான சூழல் நிலவுகிறது என்பதை பொறுத்தே முடிவு செய்ய முடியும். 

ஆனால் இப்போதைக்கு ஐ.பி.எல். குறித்து எதுவும் சிந்திக்கவில்லை இவ்வாறு கெய்க்வாட் கூறினார்.

Radio
×