திருகோணமலை - ஹொரவபொத்தான பிரதான வீதியில் உள்ள, பன்மதவாச்சி காட்டில் ஆணின் சடலம்!

 காட்டுப் பகுதிக்குள் ஆண் ஒருவரின் சடலம் இன்று மீட்கப்பட்டுள்ளது. உயிரிழந்த நபர், பன்குளம் - பன்மதவாச்சி பகுதியைச் சேர்ந்த முத்துலிங்கம் சிறிதர் (57வயது) எனப் பொலிஸார் தெரிவித்தனர்.

பன்மதவாச்சி வயலை அண்மித்த காட்டு பகுதியில் மாடுகளை மேய்க்கச் சென்ற இருவர், அவ்விடத்தில் ஒருவர் வீழ்ந்து கிடப்பதை அவதானித்து பொலிஸாருக்குத் தகவல் வழங்கினர். 

குறித்த இடத்துக்கு விரைந்த பொலிஸ் மற்றும் திடீர் மரண விசாரணை அதிகாரி ஏ. எஸ். எம். றூமி ஆகியோர், சடலத்தை பார்வையிட்டதுடன், சடலத்தை திருகோணமலை பொது வைத்தியசாலைக்கு கொண்டு செல்ல நடவடிக்கை மேற்கொள்ளப்பட்டது.