மர்மநபரால் கடத்தப்பட்ட பேருந்து விபத்து: – சீனாவில் 5 பேர் உயிரிழப்பு - 21 பேர் காயம்!

சீனாவின் தென்கிழக்கே உள்ள Fujian மாகாணத்தில் கடத்தப்பட்ட பேருந்து ஒன்று பாதசாரிகள் மீது மோதியதில் 5 பேர் உயிரிழந்துள்ளனர். குறித்த பகுதியூடாக சென்ற பேருந்து ஒன்றை இன்று (செவ்வாய்க்கிழமை) 3.20 மணியளவில் அடையாளம் தெரியாத மர்மநபர் கத்தி முனையில் கடத்தியுள்ளார்.

இதன் பின்னர் குறித்த பேருந்து சாலையோரம் நின்றிருந்தவர்கள் மீது மோதி விபத்திற்குள்ளானது. இதில் 5 பேர் உயிரிழந்துள்ளதாகவும் அவர்களில் ஒருவர் பொலிஸார் என்றும் தெரிவிக்கப்பட்டுள்ளது. 

மேலும் இந்த விபத்தில் 21 பேர் காயமடைந்தனர் என்றும். சம்பவத்திற்கு காரணமாக இருந்த மர்மநபரும் கைது செய்யப்பட்டு விசாரணைக்கு உட்படுத்தப்பட்டுள்ளதாகவும் அந்நாட்டு பொலிஸார் தெரிவித்துள்ளனர்.