பாலியல் வல்லுறவுக்கு உட்படுத்திய இளைஞரின் உதட்டை கடித்து குதறிய பெண்

தாய்லாந்து பெண் ஒருவர் தன்னிடம் அத்துமீறிய இந்திய இளைஞரின் வாயை கடித்து குதறிய சம்பவம் பரபரப்பை கிளப்பியுள்ளது.

இந்தியாவை சேர்ந்த சாஷாங் அகர்வால் என்ற இளைஞர் தாய்லாந்து நாட்டின் பட்டயாவுக்கு சுற்றுலா சென்றுள்ளார். அங்குள்ள பல பகுதிகளை கண்டுகளித்தவாறே சாலையில் அவர் சென்று கொண்டிருந்தார்.

அவருடன் அதே சாலையில் சுகன்யா பபீக் என்ற பெண் நடந்து சென்றுள்ளார். அவரை பார்த்த சாஷாங் அப்பெணிடம் சென்று பேச, அப்படியே சிறுது தூரம் இருவரும் உரையாடிக்கொண்டே நடந்து சென்றுள்ளனர்.

திடீரென இருவருக்குமிடையில் சண்டை ஏற்பட்டுள்ளது. இதில் இளைஞர் சாஷாங்கை கடுமையாக தாக்கிய பபீக், ஆத்திரத்தில் அவரது உதட்டத்தை கடித்து காயப்படுத்தினார். சத்தம்கேட்டு வந்த மக்கள் இருவரையும் விலக்கிவிட்டனர்.

சம்பவம் அறிந்து வந்த காவல்துறை, படுகாயமடைந்த இளைஞர் சாஷாங்கை மீட்டு அவருக்கு முதலுதவி சிகிச்சைகள் அளித்தனர். இந்த சம்பவம் தொடர்பாக சுகன்யா பபீக்கிடம் போலீஸார் விசாரணை நடத்தினர்.

அதில் சாலையோரமாக நடந்து சென்றபோது சாஷாங் உடன் பேசியதாகவும், நட்புடன் பேசுகையில் அவர் அத்துமீறி நடந்துக்கொண்டதாகவும், பிறகு இளைஞர் தன்னை பாலியல் வல்லுறவுக்கு உட்படுத்த முயன்றதாகவும் அப்பெண் தெரிவித்தார்.

பெண் பபீக் அளித்த விளக்கம் குறித்து இன்னும் இளைஞர் சாஷாங்க் அகர்வாலிடம் விசாரணை நடத்தப்படவில்லை. உதட்டில் காயம் ஏற்பட்டுள்ளதால அவரால் பேச முடியவில்லை. அந்த காயம் குணமடைந்த பின் இளைஞரிடமிருந்து தாய்லாந்து போலீஸார் தகவல்களை பெறுவார்கள் என தெரிகிறது.