ஒபாமா, தனது பாட்டியுடன் ஆடிய அசத்தல் நடனம்!

ஆப்பிரிக்காவில் உள்ள தன் சொந்தக் கிராமத்துக்குச் சென்ற முன்னாள் அமெரிக்க அதிபர் பாரக் ஒபாமா, அங்கு தன் பாட்டியுடன் சேர்ந்து நடனமாடிய வீடியோ சமூக வலைதளங்களில் வைரலாகி வருகிறது.

முன்னாள் அமெரிக்க அதிபர் பாரக் ஒபாமா, கிழக்கு ஆப்பிரிக்காவில் உள்ள தனது சொந்த ஊரான, கொகிலோ என்ற கிராமத்துக்கு நேற்று சென்றிருந்தார். ஒபாமாவின் பாட்டி, சகோதரி மற்றும் உறவினர்கள் என அனைவரும் இந்த கிராமத்தில்தான் வசித்து வருகின்றனர்.

இதனிடையே ஒபாமா வரும் செய்தியை, அறிந்த ஆயிரகணக்கான மக்கள் அவரைப் பார்ப்பதற்காகஇ அவரது பாட்டி வீட்டில் திரண்டிருந்தனர். இதனிடையே ஆப்பிரிக்கா வந்திறங்கிய ஒபாமா, கொகிலோ கிராமத்தில் தன் சகோதரி அவுமா ஒபாமா ஆரம்பித்துள்ள இளைஞர் நலன மற்றும் விளையாட்டுப் பயிற்சி மையத்தைத் தொடங்கிவைத்தார்.

இந்த நிகழ்ச்சியில் அப்பகுதி மக்களின் பாரம்பரிய இசைஒளிபரப்பப்பட்டது. அந்த இசையைக்கேட்டு உற்சாகத்தில் ஆழ்ந்த ஒபாமா, திடீரென எழுந்து நடனமாடிய சம்பவம் அங்கு கூடியிருந்த மக்களை உற்சாகத்தில் ஆழ்த்தியது.