அம்பாறையில் பிள்ளையான் உள்ளிட்ட கட்சி வேட்பாளர்கள் சுறாவளி பிரச்சாரம்

திகாமடுல்ல தேர்தல் மாவட்டத்தில் தமிழ் மக்கள் விடுதலை புலிகள் கட்சியின் படகு சின்னத்தில் போட்டியிடும் வேட்பாளர்களை ஆதரித்து  ஏற்பாட்டில் ஒழுங்கு செய்யப்பட்ட மக்கள் சந்திப்புடன் பிரச்சார கூட்டம்  திங்கட்கிழமை  (04) இரவு  நடைபெற்றது.


இதன் போது நாவிதன்வெளி    வேப்பையடி 15 ஆம் கிராமம்  பகுதியில் விக்னேஸ்வரன் ஆதரவணி தலைமையில் நாவிதன்வெளி கிராம பொது அமைப்புகளின் பிரதிநிதிகள் மற்றும் ஆதரவாளர்களுடனான சந்திப்பு, நாவிதன்வெளி பிரதேச ஆலயங்களின் நிர்வாகிகள், விளையாட்டு கழகங்கள், கட்சியின் பிரதேச மற்றும் கிராமிய குழுக்களின் ஒருமித்த ஒழுங்குபடுத்தலில்   ஆசிரியர் மு.விக்னேஸ்வரனை ஆதரித்து நடைபெற்ற பிரச்சார கூட்டத்தில்   தமிழ் மக்கள் விடுதலை புலிகள் கட்சியின் தலைவரும், முன்னாள் கிழக்கு மாகாண முதலமைச்சருமான சிவனேசதுரை சந்திரகாந்தன்  பிரதான பங்கேற்றிருந்ததுடன் வேட்பாளர்களான சோ.விபுலானந்ததாஸ், க.குலமணி, தே. சர்வானந்தன், மு.விக்கினேஸ்வரன், வெ.மோகன், செ.ரசிகரன் ஆகியோரும் பங்கேற்றிருந்தனர்.

மேலும் விளையாட்டு கழக பிரதிநிதிகள், ஆலய பரிபாலன சபையினர் கிராம மட்ட அமைப்புகளின் பிரதிநிதிகள் கட்சியின் அம்பாறை மாவட்ட பிரதிநிதிகள் ஆதரவாளர்கள் பொதுமக்கள் என பலரும் கலந்து கொண்டனர்.

நடைபெறவுள்ள பாராளுமன்ற தேர்தலில் அம்பாறை மாவட்டத்தில் தமிழ் மக்கள் விடுதலை புலிகளின் வெற்றிக்கு பலம் சேர்க்கும் வகையில் நாவிதன்வெளி சுதந்திரன், செந்தமிழ், உதயா விளையாட்டு கழகங்கள், ஸ்ரீமுருகன், மற்றும் பிள்ளையார் ஆலயன்களின் பரிபாலன சபை, மாதர் மற்றும்  கிராம அபிவிருத்தி சங்கங்கள், உள்ளிட்ட பொது அமைப்புகளும் அம்பாறை மாவட்டத்தில் தமிழ் மக்கள் விடுதலை புலிகளின் தேர்தல் வெற்றிக்காக  ஒன்றிணைந்தமை குறிப்பிடத்தக்கது.

அத்துடன் நடைபெறவுள்ள பாராளுமன்ற தேர்தலில் அம்பாறை மாவட்டத்தில் தமிழ் மக்கள் விடுதலை புலிகளின் வெற்றிக்கு பலம் சேர்க்கும் மக்கள் சந்திப்புக்கள் அன்றைய தினம் ஊறணி, பொத்துவில், திருக்கொவில், அக்கரைப்பற்று, காரைதீவு, கல்முனை, வீரமுனை, உள்ளிட்ட பகுதிகளிலும் சிறப்பாக நடைபெற்றிருந்தன.