பூக்கடையில் நடந்த கொடுக்கல் - வாங்கல் தகராறில் கத்திக்குத்து! ஒருவர் படுகாயம், ஒருவர் கைது..

அநுராதபுரம் பிரதேசத்தில் உள்ள பூக்கடை ஒன்றிற்கு அருகில் கத்தி குத்துக்கு இலக்காகி ஒருவர் காயமடைந்துள்ளதாக உடமலுவ பொலிஸார் தெரிவித்தனர்.

இந்த சம்பவம் நேற்று வியாழக்கிழமை (22) இடம்பெற்றுள்ளது.அநுராதபுரம் பிரதேசத்தைச் சேர்ந்த 33 வயதுடைய நபரொருவரே இவ்வாறு காயமடைந்துள்ளார்.

காயமடைந்தவர் பூக்கடை ஒன்றில் பணியாற்றி வரும் நிலையில் சக பணியாளர் ஒருவருடன் பணத்தகராறில் ஈடுபட்டுள்ளார்.

இதன்போது, இருவருக்கும் இடையில் ஏற்பட்ட தகராறு எல்லை மீறியதில் இந்த தாக்குதல் இடம்பெற்றுள்ளது.

காயமடைந்தவர் அநுராதபுரம் போதனா வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இதனையடுத்து, அநுராதபுரம் பந்துலகம பிரதேசத்தைச் சேர்ந்த 35 வயதுடைய சந்தேக நபர் பொலிஸாரால் கைது செய்யப்பட்டுள்ளார்.

இது தொடர்பான மேலதிக விசாரணைகளை உடமலுவ பொலிஸார் மேற்கொண்டு வருகின்றனர்.