யாழ்.சாவகச்சேரி - நுணாவில் பகுதியில் உள்ள விடுதி ஒன்றிலிருந்து போதைப்பொருள் மீட்பு!

யாழ்ப்பாணத்தில் விடுதி ஒன்றில் 3 கிலோ கஞ்சா போதைப்பொருளுடன் தங்கியிருந்த நபர் ஒருவர் கைது செய்யப்பட்டுள்ளார்.

சாவகச்சேரிப் பொலிஸ் பிரிவுக்குட்பட்ட நுணாவில் பகுதியில் உள்ள விடுதியொன்றில் நேற்று வியாழக்கிழமை (15) நபர் ஒருவர் மூன்று கிலோ கஞ்சா பொதியுடன் தங்கியிருப்பதாக பொலிஸாருக்கு கிடைக்கப்பெற்ற ரகசிய தகவலின் அடிப்படையில், கஞ்சாவுடன் கைது செய்யப்பட்டுள்ளதாக பொலிஸார் தெரிவித்துள்ளனர்.

கைது செய்யப்பட்ட சந்தேகநபர், கொழும்பை சேர்ந்தவர் என பொலிஸார் தெரிவித்துள்ளனர்.

மேலும், சந்தேகநபரை சாவகச்சேரி பொலிஸ் நிலையத்தில் தடுத்து வைத்து விசாரணைகளை மேற்கொண்டுள்ளதாகவும் பொலிஸார் தெரிவித்தனர்.