மருமகளை கத்தியால் குத்திய மாமியார் உட்பட 6 பேர் கைது!

அநுராதபுரம் - நிகவெவ பிரதேசத்தில் தனது மருமகளைக் கத்தியால் குத்தி காயப்படுத்திய குற்றச்சாட்டில் மாமியார் உட்பட ஆறு பேர் கைது செய்யப்பட்டுள்ளதாக மின்னேரியா பொலிஸார் தெரிவித்தனர்.

நிகவெவ பிரதேசத்தைச் சேர்ந்த 38 வயதுடைய மருமகளே இவ்வாறு காயமடைந்துள்ளார்.காயமடைந்த மருமகள் கடந்த 27 ஆம் திகதி இரவு தனது கணவருடன் வாக்குவாதத்தில் ஈடுபட்டுள்ளார்.

இதன்போது, இரு தரப்பினருக்கும் இடையில் ஏற்பட்ட வாக்குவாதம் எல்லை மீறியதில் சந்தேக நபரான மாமியார் தனது மருமகளைக் கத்தியால் குத்தி காயப்படுத்தியுள்ளதாக பொலிஸார் தெரிவித்தனர்.

காயமடைந்தவர் பொலன்னறுவை பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இதனையடுத்து, தாக்குதலை மேற்கொண்டதாகக் கூறப்படும் மாமியார் உட்பட ஆறு பேர் பொலிஸாரால் கைது செய்யப்பட்டுள்ளனர்.

கைது செய்யப்பட்ட சந்தேக நபர்களை நேற்று (28) நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை மின்னேரியா பொலிஸார் மேற்கொண்டு வருகின்றனர்.