யாழ்.நெடுந்தீவு கொலைச் சம்பவத்துடன் தொடர்புடைய சந்தேகநபர் ஒருவர் காயங்களுடன் கைது!

யாழ்.நெடுந்தீவு இளைஞர் கொலையுடன் சம்பந்தப்பட்ட சந்தேக நபர்கள் நால்வரை பொலிஸார் தேடி வருகின்ற நிலையில் ஒரு சந்தேகநபர் காயங்களுடன் கைது செய்யப்பட்டுள்ளார்.

சம்பவ இடத்துக்கு யாழ்ப்பாணம் தடயவியல் பொலிஸார் வந்து விசாரணைகளை மேற்கொண்டு உள்ளனர். சந்தேகத்தின் பேரில் கைது செய்யப்பட்ட காயம் அடைந்த சந்தேக நபரும் 

சிகிச்சைக்காக யாழ்ப்பாணம் போதனா வைத்தியசாலைக்கு அனுப்பி வைக்கப்பட்டுள்ளார். உயிரிழந்தவர்களின் சடலம் பிரேத பரிசோதனைக்காக யாழ்ப்பாணம் போதனா வைத்தியசாலைக்கு அனுப்பி வைக்கப்பட்டுள்ளது.

இக்கொலையுடன் சம்பந்தப்பட்ட நான்கு சந்தேக நபர்களில் ஒருவர் கைது செய்யப்பட்ட நிலையில் ஏனைய மூன்று சந்தேக நபர்களையும் தேடி கைது செய்யும் முயற்சியில் பொலிஸார் ஈடுபட்டுள்ளனர். 

சம்பவம் தொடர்பான மேலதிக விசாரணைகளை நெடுந்தீவு பொலிஸார் மேற்கொண்டு வருகின்றனர்.