காட்டுக்குள் களியாட்டம்! 5 பெண்கள் உட்பட 22 பேர் கைது..

பாதுகாக்கப்பட்ட நக்கிள்ஸ் வனப் பகுதிக்குள் பேஸ்புக் நண்பர்காளால் ஏற்பாடு செய்யப்பட்ட களியாட்ட நிகழ்வில் கலந்துகொண்ட ஐந்து பெண்கள் உட்பட 22 பேர் கைது செய்யப்டபட்டுள்ளனர்.

இவர்கள் ஹுன்னஸ்கிரிய வன வள அலுவலக அதிகாரிகளால் கைது செய்யப்பட்டுள்ளார்கள். பண்டாரவளை, கொழும்பு, பதுளை மற்றும் கண்டி ஆகிய பகுதிகளைச் சேர்ந்த 20 முதல் 30 வயதுக்கு இடைப்பட்டவர்களே இவ்வாறு கைது செய்யப்பட்டுள்ளனர்.

கைதுசெய்யப்பட்டவர்களில் பல்கலைக்கழக மாணவர்கள், பாதுகாப்புப் படையினருடன் தொடர்புடையவர் என கூறப்படும் நபரொருவர் மற்றும் தனியார் துறை ஊழியர்களும் அடங்குவர். 

பேஸ்புக் மற்றும் பிற சமூக ஊடக தளங்கள் மூலம் இந்த களியாட்ட நிகழ்வு ஒழுங்கு செய்யப்பட்டுள்ளதுடன், வனப் பகுதிக்குள் முறையான அனுமதி பெறாமல் இந்த நிகழ்வு இடம்பெற்றுள்ளது.

வனவள அலுவலக அதிகாரிகள் மேற்கொண்ட விசாரணையில், இவர்கள் பாதுகாக்கப்பட்ட நக்கிள்ஸ் வனப் பகுதிக்குள் சனிக்கிழமை இரவு சென்று நிகழ்வை நடத்தியமை தெரியவந்துள்ளது.