பாலஸ்தீன கிராமத்தை அழிக்க இஸ்ரேல் திட்டம்!-

இஸ்ரேலிய வீரர்களுடன் பாலஸ்தீன மக்கள் கடும் மோதலில் ஈடுபட்டதாக தெரிகிறது.

பாலஸ்தீன கிராமங்களை அழிக்க முயன்றபோதே இந்த மோதல் வெடித்துள்ளது. பாலஸ்தீனம் மற்றும் காஸா பகுதியில் சர்வதேச நாடுகளின் எதிர்ப்பையும் மீறி இஸ்ரேல் தனது குடியிருப்புகளை அமைத்து வருகிறது.

இந்நிலையில் கிழக்கு ஜெருசேலம் அருகில் உள்ள பெடோயுன் (Bedouin) என்ற கிராமத்தை அழித்து யூதர்களுக்கான புதிய குடியிருப்புகளை ஏற்படுத்த இஸ்ரேல் முடிவு செய்தது.

இதையடுத்து அங்கு சென்ற இஸ்ரேலிய ராணுவத்தினருக்கு பாலஸ்தீன மக்கள் கடும் எதிர்ப்புத் தெரிவித்தனர்.

இதையடுத்து இஸ்ரேலிய ராணுவத்தினர் நடத்திய தாக்குதலில் 35 பேர் படுகாயமடைந்துள்ளதாக தெரிவிக்கப்படுகிறது.

இந்தச் சம்பவத்தால் அப்பகுதியில் பதற்றம் ஏற்பட்டுள்ளது.