மேகங்களும், பனியும் திருடப்படுகிறது- ராணுவ அதிகாரியின் வியப்பான குற்றச்சாட்டு!

மேகங்களும், பனியும் ஈரானில் திருடப்படுவதாக ஈரான் நாட்டு ராணுவ அதிகாரி ஒருவர் கூறியுள்ளார்.

ஈரான் சிவில் பாதுகாப்புத்துறை பிரிகேடியர் ஜெனரலான குலாம் ரெசா ஜலாலி (Gholam Reza Jalali) பேட்டி ஒன்றில் மேற்கண்டவாறு தெரிவித்தார்.

இஸ்ரேல் உள்ளிட்ட இருநாடுகளின் கூட்டுத் தொழில் நுட்பக் குழு ஈரானில் நுழையும் மேகங்களை மழை பொழியாதபடி மாற்றங்களை ஏற்படுத்தி திருடிச் செல்வதாக அவர் கூறியுள்ளார்.

இதனால் ஈரானில் பருவநிலை மாறுபாடும், வறட்சியும் ஏற்படுத்தப்படுவதாகத் தெரிவித்துள்ளார்.

ராணுவ அதிகாரியின் இந்தக் குற்றச்சாட்டை ஈரான் வானிலை மையத் தலைவர் அஹத் வாசிஃப் (Ahad Vazife) மறுத்துள்ளார்.

எந்த நாடும் மேகத்தையோ பனியையோ திருடமுடியாது என்று தெரிவித்துள்ளார்.