நண்பர்களுடன் ரயில் பாதையில் அமரந்திருந்து பேசிக் கொண்டிருந்த 16 வயதான மாணவன் ரயில் மோதி காயம்...

ரயில் பாதையில் நண்பர்கள் குழுவுடன் அமர்ந்து அரட்டை அடித்துக்கொண்டிருந்த 16 வயதுடைய பாடசாலை மாணவர் ஒருவர் பூஸா ரயில் நிலையத்துக்கு அருகில் ரயிலால் மோதப்பட்டு படுகாயமடைந்து காலி கராப்பிட்டிய போதனா வைத்தியசாலையில் அனுமதிக்கப்பட்டுள்ளதாக ரத்கம பொலிஸார் தெரிவித்தனர்.

இந்த விபத்தில் பூஸா வெல்லபட பகுதியைச்  சேர்ந்த பாடசாலை மாணவர் ஒருவரே காயமடைந்துள்ளார்.

தனது நண்பர்கள் ஆறு பேருடன் ரயில் தண்டவாளத்தில் அமர்ந்து பேசிக் கொண்டிருந்தபோது காலியிலிருந்து அளுத்கம நோக்கி சென்று கொண்டிருந்த ரயிலால் இந்த  மாணவன்  மோதப்பட்டான்.