மாணவி குளிப்பதை வீடியோ எடுத்த இளைஞன் தலைமறைவு! யாழ்.கோப்பாயில் சம்பவம்...

மாணவி ஒருவர் குளிக்கும்போது கையடக்க தொலைபேசியில் காணொளி எடுத்த சந்தேகநபர் தலைமறைவாகியுள்ள நிலையில் பொலிஸார் தேடி வருகின்றனர்.

யாழ்.கோப்பாய் பொலிஸ் பிரிவுக்கு உட்பட்ட பகுதியில் உள்ள வீடொன்றில் மாணவி ஒருவர் குளிக்கும்போது , குளியல் அறை, மேல் ஜன்னல் வழியாக கையடக்க தொலைபேசி ஒன்றினை கண்ட மாணவி சத்தமிட்டுள்ளார்.

அதனை அடுத்து பெற்றோர் அவ்விடத்திற்கு சென்றபோது , யாரும் அங்கு இருக்கவில்லை. வீட்டின் பின்புறம் வெளி நபர்கள் வருவதற்கான சாத்தியம் காணப்படாததால் , 

அயல் வீட்டு இளைஞன் மீது மாணவியின் பெற்றோருக்கு சந்தேகம் ஏற்பட்டதை அடுத்து , கோப்பாய் பொலிஸ் நிலையத்தில் முறைப்பாடு செய்யப்பட்டது.

முறைப்பாட்டின் பிரகாரம் பொலிஸார் விசாரணைகளை முன்னெடுத்து , அயல் வீட்டு இளைஞனிடம் வாக்கு மூலம் பெற சென்றபோது, இளைஞன் தலைமறைவான விடயம் பொலிஸாருக்கு தெரியவந்தது.

அதனை அடுத்து பொலிஸார் சந்தேகநபரை கைது செய்வதற்கு நடவடிக்கை எடுத்துள்ளனர்.