பாதை தகராறு கூலிப்படையை பயன்படுத்தி மோட்டார் சைக்கிள்கள் தீக்கிரை - புன்னாலைகட்டுவனில் சம்பவம்...

யாழ்.புன்னாலைக்கட்டுவான் பகுதியில் நேற்று முன்தினம் இடம்பெற்ற வன்முறை சம்பவத்தில் 3 மோட்டார் சைக்கிள்கள் தீக்கிரையாக்கப்பட்டுள்ளது. 

இரு வீட்டாருக்கும் இடையே நீண்ட காலமாக முரண்பாடுகள் இருந்துள்ளன. அதில் ஒரு வீட்டின் உரிமையாளர் ஆறு மாதங்களுக்கு முன்னர் வெளிநாட்டில் இருந்து வந்துள்ளார்.

இந்நிலையில் ஒரு தரப்பினரின் அயல் வீட்டாரின் இரு மோட்டார் சைக்கிள்களை கூலிப்படையை பயன்படுத்தி தீயிட்டு எரித்துள்ளார் என்று கூறப்படுகின்றது.

அதையடுத்து மோட்டார் சைக்கிளைத் தீயிட வந்த கூலிப்படையை சேர்ந்த ஒருவரின் மோட்டார் சைக்கிளை மற்றைய தரப்பு தீயிட்டு எரித்துள்ளனர் என்றும் தெரிவிக்கப்படுகின்றது.

சம்பவம் தொடர்பாக வெளிநாட்டில் இருந்து வந்த ஒருவர் சுன்னாகம் பொலிஸ் நிலையத்தில் செய்த முறைப்பாட்டுக்கமைய தடயவியல் பொலிஸார் உள்ளிட்ட பொலிஸார் விசாரணைகளை மேற்கொண்டு வருகின்றனர்.

மோட்டார் சைக்கிள் எரிப்புடன் தொடர்புடையவர்கள் தலைமறைவாகி உள்ளதாக தெரிவிக்கப்படுகிறது.

இச்சம்பவம் தொடர்பாக சுன்னாகம் பொலிஸார் விசாரணைகளை மேற்கொண்டு வருகின்றனர்.