குளியலறையில் குளித்துக் கொண்டிருந்த பெண்ணை வீடியோ எடுத்த பொலிஸ் உத்தியோகஸ்த்தர் கைது!

வீடொன்றுக்குள் நுழைந்து குளியலறையில் குளித்துக் கொண்டிருந்த பெண்ணை வீடியோ எடுத்த பொலிஸ் உத்தியோகஸ்த்தர் கைது செய்யப்பட்டுள்ளார்.

குறித்த நபர் நாடாளுமன்ற உறுப்பினர் ஒருவரின் பாதுகாப்புப் பிரிவில் கடமையாற்றும் பொலிஸ் உத்தியோகத்தர் என அம்பாறை பொலிஸார் தெரிவித்தனர்.

கைதுசெய்யப்பட்ட சந்தேகநபரான பொலிஸ் உத்தியோகத்தர் முன்னாள் பாராளுமன்ற உறுப்பினர் ஒருவரின் வீட்டுக் காவலர் என  பொலிஸார் தெரிவித்தனர்.

பாதிக்கப்பட்ட பெண் செய்த முறைப்பாட்டின் பிரகாரம் சந்தேகத்தின் பேரில் பொலிஸ் உத்தியோகத்தர் கைதுசெய்யப்பட்டுள்ளார்.

முக்கிய பிரமுகர் பாதுகாப்புப் பிரிவின் பொலிஸ் உத்தியோகத்தராக இணைக்கப்பட்டிருந்த  பொலிஸ் உத்தியோகத்தர் முன்னாள் பாராளுமன்ற உறுப்பினரின் வீட்டில் பாதுகாப்புக் கடமையில் ஈடுபட்டுவரும் நிலையில், 

அருகில் உள்ள காணிக்குள் இரகசியமாக பிரவேசித்து, அக் காணியில் உள்ள வீட்டின் குளியலறையில் இருந்த பெண்ணை கையடக்கத் தொலைபேசியில் வீடியோவாக பதிவு செய்துள்ளதாக பொலிஸார் தெரிவித்தனர்.

சந்தேக நபரின் கையடக்கத்தொலைபேசியை பொலிஸார் கைப்பற்றியுள்ளதுடன்  விசாரணைகளை மேற்கொண்டு வருகின்றனர்.