ஆடைத் தொழிற்சாலை இயந்திரத்தை சுத்தப்படுத்திக் கொண்டிருந்த இளைஞன் இயந்திரத்தில் சிக்கி பலி..!

ஆடைத் தொழிற்சாலை இயந்திரத்தை சுத்தம் செய்து கொண்டிருந்தபோது இயந்திரம் திடீரென இயங்கியதால் இயந்திரத்திற்குள் சிக்கி இளைஞன் ஒருவன் உயிரிழந்துள்ளான்.

குறித்த சம்பவம் இன்று (3) அதிகாலை இடம்பெற்றுள்ளதாக களுத்துறை வடக்கு பொலிஸார் தெரிவித்துள்ளனர்.

களுத்துறை - வஸ்கடுவ பொக்குணவட்ட வீதியில் அமைந்துள்ள ஆடை உற்பத்தி நிலையம் ஒன்றில் சுத்தம் செய்யும் பணியில் ஈடுபட்டிருந்த இளைஞரே இவ்வாறு உயிரிழந்துள்ளதாக பொலிஸார் தெரிவித்தனர்.

சம்பவம் இன்று அதிகாலை 3 மணியளவில் இடம்பெற்றுள்ளதுடன், விபத்திற்குள்ளான இளைஞனை களுத்துறை போதனா வைத்தியசாலைக்கு எடுத்துச் செல்லும் போது அவர் உயிரிழந்துள்ளதாக தெரிவிக்கப்படுகின்றது.

சம்பவம் தொடர்பில் களுத்துறை வடக்கு பொலிஸார் மேலதிக விசாரணைகளை மேற்கொண்டு வருகின்றனர்.