திருமண நிகழ்வில் ஆபத்துடன் விளையாட்டு, பரிதாபகரமாக உயிரிழந்த இளைஞன்!

வெடிக்காத நிலையிலிருந்த பட்டாசு ஒன்றை எடுத்தபோது அது தீடீரென வெடித்ததில் படுகாயமடைந்த இளைஞன் வைத்தியசாலையில் அனுமதிக்கப்பட்ட நிலையில் உயிரிந்துள்ளான்.

இந்த சம்பவம் தம்புத்தேகம - தேக்கவத்த பிரதேசத்தில் இடம்பெற்றுள்ளது.

குறித்த நபர் தனது வீட்டிற்கு அருகில் இடம்பெற்ற திருமண நிகழ்வொன்றின்போது இந்த விபத்துக்கு உள்ளாகியுள்ளதாக பொலிஸார் தெரிவித்துள்ளனர்.

திருமண நிகழ்ச்சியின்போது பட்டாசு ஒன்று வெடிக்காததால், மீண்டும் அதனை பற்றவைக்க முயன்றபோது, ​​பட்டாசு தீப்பிடித்து அவரது தலையில் பட்டதில் அவர் காயமடைந்துள்ளார்.

இதில் பலத்த காயமடைந்த 31 வயதுடைய நபர் தம்புத்தேகம வைத்தியசாலையில் அனுமதிக்கப்பட்டதன் பின்னர் உயிரிழந்துள்ளதாக பொலிஸார் தெரிவித்தனர்.

சம்பவம் தொடர்பில் தம்புத்தேகம பொலிஸார் மேலதிக விசாரணைகளை ஆரம்பித்துள்ளனர்.