மோட்டார் சைக்கிள் பந்தயத்தில் ஈடுபட்ட 8 இளைஞர்கள் கைது!

கொழும்பு - பம்பலப்பிட்டி கடலோர வீதியில் மோட்டார் சைக்கிள் பந்தயத்தில் ஈடுபட்ட குற்றச்சாட்டில் கைதுச் செய்யப்பட்ட 8 இளைஞர்கள் பொலிஸ் பிணையில் விடுவிக்கப்பட்டுள்ளனர்.

நேற்று ஞாயிற்றுக்கிழமை (14) காலை 8 சந்தேக நபர்களும் கைது செய்யப்பட்டதுடன் அவர்களுக்குச் சொந்தமான 5 மோட்டார் சைக்கிள்களும் கொழும்பு குற்றத்தடுப்பு பிரிவினரால் கைப்பற்றப்பட்டன.

அவ்வழியாகச் செல்லும் வாகனங்கள் மற்றும் பாதசாரிகளுக்கு இடையூறு ஏற்படும் வகையில் மோட்டார் சைக்கிள்கள் சென்றதாக அவர்கள் மீது குற்றம் சுமத்தப்பட்டுள்ளது.