புத்தர் சிலைக்கு கீழே வைக்கப்பட்டிருந்த பச்சிளம் சிசு மீட்பு!

புத்தர் சிலைக்கு கீழே வைக்கப்பட்டிருந்த பச்சிளம் குழந்தை ஒன்றை பாதுகாப்பாக மீட்டுள்ள பொலிஸார், குழந்தையின் தாய் தொடர்பான விசாரணைகளை முடுக்கி விட்டிருக்கின்றனார்.

குறித்த சம்பவம் வத்தேகம - மலியதேவ விகரைக்கு செல்லும் பாதையில் இடம்பெற்றிருக்கின்றது. இதனையடுத்து குறித்த சிசு வத்தேகம வைத்தியசாலையில் அனுமதிக்கப்பட்டுள்ளது. 

புத்தர் சிலைக்கு அடியில் சிசு ஒன்று காணப்படுவதனை அவதானித்த பிரதேசவாசிகள் அதனை எடுத்துச் சென்று வைத்தியசாலைக்கு கொண்டு சென்றதாக பொலிஸார் கூறினர்.

குழந்தை நலமுடன் இருப்பதாக வத்தேகம வைத்தியசாலையின் பேச்சாளர் ஒருவர் தெரிவித்தார். மேலும் குழந்தையை பிரசவித்த தாய் குறித்து அறிந்து கொள்ள 

வத்தேகம பொலிஸார் விசாரணைகளை மேற்கொண்டு வருகின்றனர்.