நண்பனை கொன்றுவிட்டு வெளிநாடு செல்ல முயன்றவர் கைது!! பொறியை வைத்துவிட்டு காத்திருந்த பொலிஸார்...

ஒன்றாக இருந்து உணவு அருந்திய பின் நண்பனை குத்தி கொலை செய்துவிட்டு வெளிநாடு செல்வதற்காக 2 நாட்கள் தலைமறைவாகியிருந்த நபர் கைது செய்யப்பட்டுள்ளார்.

குறித்த சம்பவம் அம்பலாங்கொட - ஹிரேவத்த பகுதியில் இடம்பெற்றுள்ளது. குறித்த சந்தேகநபர் கட்டுநாயக்க விமான நிலையத்தில் வைத்து கைது செய்யப்பட்டுள்ளார்.

சம்பவம் தொடர்பில் கட்டுநாயக்க விமான நிலையத்தின் கட்டுப்பாட்டாளருக்கு வழங்கப்பட்ட தகவல் அடிப்படையில், சந்தேகநபர் கைது செய்யப்பட்டுள்ளார்.

அம்பலாங்கொட ஹிரேவத்தையைச் சேர்ந்த ஆர்.ஜே.ரொஷான் குமார என்ற 42 வயதுடைய மூன்று பிள்ளைகளின் தந்தையே கொல்லப்பட்டுள்ளார்.

சம்பவம் தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.