கத்தியுடன் வீதியில் நின்று தகராறு, கைது செய்ய சென்ற பொலிஸாரையும் வெட்ட முயற்சி..! ஒருவர் கைது..

கத்தியுடன் வீதியில் நின்று தகராறு புரிந்த நபர் தன்னை கைது செய்ய முயற்சித்த பொலிஸார் மீது தாக்குதல் நடத்தவும் முயற்சித்துள்ளார். 

இந்த சம்பவம் இன்று காலை வெலிப்பன்ன பகுதியில் இடம்பெற்றிருக்கின்றது. 

சந்தேக நபரை கைது செய்த பொலிஸார், அவரிடம் இருந்த கத்தியையும் கைப்பற்றியிருக்கின்றனர். களுத்துறை, வெலிப்பன்ன பிரதேசத்தில் கத்தியுடன் ஒருவர் வன்முறையில் ஈடுபடுவதாக 

பகல் வேளையில் ரோந்துப் பணியில் ஈடுபட்டிருந்த இரு பொலிஸ் உத்தியோகத்தர்களுக்கு கிடைத்த தகவலின்படி அப்பகுதிக்கு சென்றுள்ளதாக பொலிஸார் தெரிவிக்கின்றனர்.

அப்போது, சந்தேக நபரை கண்ட இரண்டு பொலிஸ் அதிகாரிகளும் அவரை கைது செய்ய முயற்சித்துள்ளனர். இதனால் ஆத்திரமடைந்த சந்தேகநபர் பொலிஸாரை வெட்ட முயன்றுள்ளார்.

எனினும் பொலிஸார் குறித்த நபரை மடக்கிப் பிடித்து கைது செய்துள்ளனர். இதேவேளை கைதான சந்தேகநபர் மற்றொரு நபருடன் சண்டையில் ஈடுபட்டதாகவும், 

அந்த நபர் சந்தேகநபரின் காதை கடித்து விட்டதாகவும் கூறப்படுகின்றது.