சிறுவர் இல்லத்தில் ஒப்படைக்கப்பட்டு 10 நாட்களில் காணாமல்போன இரு சிறுமிகள்! பொலிஸார் தீவிர விசாரணை...

நீதிமன்றம் ஊடாக 10 நாட்களுக்கு முன்னர் சிறுவர் இல்லத்தில் ஒப்படைக்கப்பட்ட 9 வயது மற்றும் 15 வயதான இரு சிறுமிகள் காணாமல்போயுள்ளமை தொடர்பாக பொலிஸார் விசாரணைகளை ஆரம்பித்திருக்கின்றனர். 

குறித்த சம்பவம் கம்பளை பகுதியில் உள்ள சிறுவர் இல்லம் ஒன்றில் இடம்பெற்றிருக்கின்றது. நேற்று (20) ஆம் திகதி 4.30 மணிமுதல் குறித்த இரு சிறுமிகளும் சிறுவர் இல்லத்தில் காணப்படவில்லையென பொறுப்பாளர்களினால் செய்யப்பட்ட பொலிஸ் முறைப்பாட்டில் தெரிவிக்கப்பட்டுள்ளது. 

கண்டி நீதி மன்றத்தின் உத்தரவிற்கமைய சிறுவர் நன்நடத்தை அதிகாரிகளிடம் ஒப்படைக்கப்பட்டு அவர்களுடாக குறித்த சிறுவர் இல்லத்தில் தங்கவைக்கப்பட்டிருந்த நிலையிலேயே 10 நாட்களின் பின்னர் காணாமல் போயுள்ளனர்.

மேற்படி சம்பவம் தொடர்பாக கம்பளை பொலிஸார் விசாரணைகளை முன்னெடுத்து வருகின்றனர்.