இலங்கையிலிருந்து ஒருதொகை குரங்குகளை கொள்வனவு செய்ய அமெரிக்காவும் விருப்பம்!

இலங்கையிலிருந்து ஒரு தொகை குரங்குகளை வாங்குவதற்கு சீனா முயற்சிப்பதாக தகவல்கள் வெளியான நிலையில், அமெரிக்காவும் ஒரு தொகை குரங்குகளை வாங்க விண்ணப்பித்துள்ளதாக தகவல்கள் வெளியாகியுள்ளது.

எவ்வாறாயினும், அமெரிக்காவுக்கு தேவையான குரங்குகளின் எண்ணிக்கை இதுவரை அறிவிக்கப்படவில்லை என விவசாய அமைச்சர் மஹிந்த அமரவீர தெரிவித்துள்ளார். 

சீனாவுக்கு 100,000 குரங்குகளை வழங்குவதற்கான வழிமுறைகளை தயாரிப்பதற்கான குழுவொன்றை நியமிப்பதற்கான அமைச்சரவைப் பத்திரம் விரைவில் அமைச்சரவையில் சமர்ப்பிக்கப்படும் என்றும் அமைச்சர் தெரிவித்துள்ளார்.