விளையாடிக் கொண்டிருந்த சிறுவன் கிணற்றில் தவறி விழுந்து பலி! புத்தாண்டு தினத்தில் நடந்த சோகம்..

விளையாடிக் கொண்டிருந்த சிறுவன் பாதுகாப்பற்ற கிணற்றில் தவறி விழுந்து உயிரிழந்த சம்பவம் நேற்று புத்தாண்டு தினத்தில் கஹட்டகஸ்திகிலிய பகுதியில் இடம்பெற்றுள்ளது. 

நேற்று (14) இடம்பெற்ற இந்தச் சம்பவத்தில் அதே பகுதியை சேர்ந்த 16 வயது சிறுவனே உயிரிழந்துள்ளான்.

வீட்டுக்கு அருகில் சிறுவர்களுடன் விளையாடிக்கொண்டிருந்தபோது இந்த விபத்து இடம்பெற்றுள்ளதாக பொலிஸார் தெரிவித்துள்ளனர். 

பாதுகாப்பற்றவாறு உள்ள கிணற்றில் தண்ணீர் நிறைந்திருந்ததாக கூறும் பொலிஸார் இச்சம்பவம் தொடர்பில் விசாரணைகளை மேற்கொண்டு வருகின்றனர்.