வீதியால் சென்ற பெண்ணுடன் தகராறு புரிந்த இளைஞன் அடித்துக் கொலை! இரு சிறுவர்கள் உட்பட 6 பேர் கைது..

வீதியில் சென்று கொண்டிருந்தபோது பெண் ஒருவருடன் வாக்குவாதம் முற்றியதை தொடர்ந்து வீதியில் நின்ற இளைஞர் ஒருவர் அடித்துக் கொல்லப்பட்ட சம்பவத்துடன் தொடர்புயை இரு சிறுவர்கள் உட்பட 6 பேர் கைது செய்யப்பட்டுள்ளனர். 

வெலிகம - கலகந்த கொலந்தந்த பகுதியில் இடம்பெற்ற இந்த சம்பவம் தொடர்பாக மேலும் தெரியவருவதாவது, கைது செய்யப்பட்டவர்களில் ஒரே குடும்பத்தைச் சேர்ந்த இரண்டு சகோதரர்களும் அடங்குவதாக வெலிகம பொலிஸார் தெரிவித்தனர். 

நண்பர்களுடன் வீதியில் சென்று கொண்டிருந்தபோது பெண் ஒருவருடன் ஏற்பட்ட வாக்குவாதம் முற்றியதனைடுத்து இந்த தாக்குதல் நடத்தப்பட்டதாக சிரேஷ்ட பொலிஸ் அதிகாரி ஒருவர் தெரிவித்துள்ளார்.

இது தொடர்பில் பெண் கொடுத்த தகவலின் பேரில் அவரது இரண்டு மகன்கள் உட்பட சிலர் வந்து அந்த இளைஞனை கொடூரமாக தாக்கியதாக பொலிஸார் தெரிவித்தனர். கைது செய்யப்பட்டவர்களில் அவரது இரண்டு மகன்களும் அடங்குவதாக 

பொலிஸார் மேலும் தெரிவித்தனர்.