பாடசாலைக்குள் புகுந்து மாணவர்கள் மீது சரமாரி தாக்குதல்! இரு சிறுவர்கள் படுகாயம்..

பாடசாலைக்குள் புகுந்த சண்டியர்கள் மாணவர்கள் மீது சரமாரி தாக்குதல் நடத்திய சம்பவம் நேற்றுமுன்தினம் அனுராதபுரத்திலுள்ள பிரபல பாடசாலையில் இடம்பெற்றுள்ளது. 

குறித்த பாடசாலையின் உயர்தர மாணவர்களுக்கு நேற்று மேலதிக வகுப்பு இடம்பெற்றுள்ளது. இதன்போதே, குறித்த தாக்குதல் சம்பவம் இடம்பெற்றுள்ளது. இரு மாணவர்கள் தலைக்கவசத்தால் கொடூரமாக தாக்கப்பட்டுள்ளனர். 

தாக்குதலில் காயமடைந்த இரண்டு சிறுவர்களும் அனுராதபுரம் போதனா வைத்தியசாலையில் அனுமதிக்கப்பட்டுள்ளதாக கூறப்படுகின்றது. 

சம்பவம் தொடர்பில் ஒருவர் கைது செய்யப்பட்டுள்ளதுடன், தாக்குதல் சம்பவம் தொடர்பில் அனுராதபுரம் பொலிஸார் மேலதிக விசாரணைகளை மேற்கொண்டு வருகின்றனர்.