காதலனின் கைகளுக்கு விலங்கு பூட்டிவிட்டு காதலியை காட்டுப் பகுதிக்கு இழுத்துச் சென்று பலாத்காரம் செய்ய முயற்சி! பொலிஸ் கான்ஸ்டபிள் சிக்கினார்..

தனது காதலனுடன் அணைக்கட்டுப் பகுதிக்குச் சென்றிருந்த 18 வயதான இளம்பெண்ணை காட்டுப் பகுதிக்குள் இழுத்துச் சென்று பாலியல் பலாத்காரம் செய்ய முயற்சித்த பொலிஸ் கான்ஸ்டபிள் ஒருவர் கைது செய்யப்பட்டுள்ளார். 

குறித்த சம்பவம் சமனலவெவ அணைக்கட்டு பகுதியில் இடம்பெற்றுள்ளது. குறித்த யுவதி தனது காதலனுடன் அணைக்கட்டு பகுதிக்குச் சென்றுள்ளார், 

இதன்போது சந்தேக நபரான கான்ஸ்டபிள் காதலனின் கைகளுக்கு கைவிலங்கிட்டு யுவதியை வனப்பகுதிக்கு இழுத்துச் சென்றுள்ளார்.

பின்னர் அங்கு வைத்து குறித்த கான்ஸ்டபிள் யுவதியின் ஆடைகளை கழற்றி புகைப்படம் எடுத்து பாலியல் தொல்லை கொடுத்ததாக கூறப்படுகிறது.

யுவதியைக் காட்டுப் பகுதிக்குள் இழுத்துச் செல்வதைக் கண்ட கிராமவாசி ஒருவர் பொலிஸாருக்குத் தகவல் கொடுத்ததையடுத்து, அந்த கான்ஸ்டபிள் பாலியல் பலாத்காரம் செய்ய முயற்சிக்கும் முன்னர் கைது செய்யப்பட்டார்.

சந்தேகநபர் ஒலிய பிரதேசத்தை சேர்ந்த 38 வயதுடையவர் எனவும் ஹம்பேகமுவ பொலிஸ் நிலையத்தில் கடமையாற்றும் பொலிஸ் கான்ஸ்டபிள் எனவும் அடையாளம் காணப்பட்டுள்ளார்.